Saturday, October 27, 2012

හිරුත් නිහඩව සැගවුණා වද

හිරුත් නිහඩව සැගවුණා වද
තුරුත් නිසලව වැලපුනා වද
නුඹත් පියමැන නික්මුනා අද
මමත් සසලව නැවතුණා හද

පිණි බිoදු තැවරිච්ච
මුදු හීත හුලගක්ව
හමා විත් මගෙ හදට
කෙදිරුවා නොවෙද නුඹ........
ගී සිoදු රස වින්ද
සුදු සේද ගoගාව
අසබඩදි ඔය දෙතොල්
පැටලුනා අමතකද.......?

නෙත් බැලුම් ගැවසෙනා
හැම කොනෙක මුල්ලකම
නුඹේ රුව මැවි මැවී
පෙනෙනවා විකසිතව........
දුක් සුසුම් ගිලිහෙනා
කදු වුවද පෙරලන්න
තදම තද නුඹේ හද
සොලවන්නවත් හැකිද.......?

Wednesday, October 24, 2012

හමුදාවයි සරසවියයි

රටේ හෙට ගැන සිතා
පෙරටුව පෙරට එන
අර නිරායුධ උන් මඩින්නද
මේ තරම් සේනා......
කැට කැබලි......
පොලු මුගුරු.....?

Monday, October 22, 2012

වෙස් මූණූ……වෙස් මූණූ……


                                                                                      වෙස් මූණූ……වෙස් මූණූ……
නෙක හැඩයෙන්
නෙක වර්ණෙන්
පින්තාරු කරලා…….
ඔය මුහුණේ පල දා ගෙන
නෙක රැගුමන් පානා…….
මිනිසුනී…..මිනිසුනී……
රවටන්නේ කව්රුන්දෝ……?
රැවටෙන්නේ කව්රුන්දෝ……?
නිමාවක් කොතැනදෝ…….?
 
සිනා සලනා දෑස් අතරින්
හදවතට ලo වී බලන්…….
කදුලු ගලනා කතාවක් එහි
සගවලා නැතිදෝ කියන්…….
 
අදුරු බිදගෙන නැගෙන එලියට
හදේ දොරගුලු හැර තියන්…….
සොදුරු ඇත්තට දැන්ම ඉඩ දී 
පෑ රැගුම් අවසන් කරන්………...!